თეირანის უნივერსიტეტი

თეირანის სახელმწიფო უნივერსიტეტი უდიდესი უმაღლესი საგანმანათლებლო დაწესებულებაა ირანში. მას  დედა უნივერსიტეტს და უმაღლესი განათლების სიმბოლოს უწოდებენ. იგი  1934 წელს დაარსდა და 25 ფაკულტეტს, 9 კამპუსს და 16 კვლევით ცენტრს მოიცავს.

თეირანის უნივერსიტეტი 3 სამეცნიერო-კვლევით დაწესებულებას, 3 კვლევით ინსტიტუტს, იუნესკოს 3 კათედრასა და 19 წამყვან სამეცნიერო ცენტრს აერთიანებს. მას ირანში უდიდესი საუნივერსიტეტო ბიბლიოთეკა აქვს ბიბლიოთეკის შენობა ცხრასართულიანია და  ფართობით 22 000 კვადრატულ მეტრს აღემატება.  უნივერსიტეტი ამჟამად 139 დარგობრივ ჟურნალს გამოსცემს, მათგან 97 მეცნიერებების, კვლევისა და ტექნოლოგიების სამინისტროს მიერ ავტორიტეტულ სამეცნიერო-კვლევით გამოცემად არის აღიარებული.   თაიმსის უმაღლესი განათლების (ТНЕ) 2021 წლის რეიტინგში აზიის ქვეყნებს შორის  თეირანის უნივერსიტეტი 104-ე ადგილს იკავებს.

უნივერსიტეტის საიტის ბმული: