აჯილი გამომშრალი თხილეულის - ფისტის, ნუშის, თხილის, მუხუდოს, მზესუმზირის ნარევია, რომელსაც უმად, მარილიანს, მჟავეს ან სანელებლებით შეზავებულს მიირთმევენ.

ფახლავა ტკბილეულის სახეობაა, რომელიც ფქვილით, ფისტით, ნუშით ან ნიგვზით მზადდება.

ბირიანი ცხვრის გატარებული ხორცით, თეთრი ღვიძლით ან თირკმლით, ხახვით, გამომშრალი მაწვნითა და სანელებლებით მზადდება. იგი ერთ-ერთი უძველესი კერძია, რომელიც მოხსენიებულია ტრაქტატში "სოფრეიე ათემე" („კერძების სუფრა“).

სანგაქი თონეში, ცხელ ქვიშაზე გამომცხვარი პურია. ერთ-ერთი უგემრიელესი პურის სახეობა, რომელსაც ქალაქების ბაზრებში და ირანულ სუფრაზე შეხვდებით. სანგაქის საცხობ თონეში პურის ცხობის ხელობა, როგორც ჩანს, ქალაქების გაფართოებასთან და ირანში დიდი ბაზრების დაარსებასთან ერთად გაჩნდა.

სპარსული სამზარეულო / ზულბია ბამიე (ტკბილეულის სახეობა)

ქალაქ ისპაჰანში მდინარე ზაიანდერუდის სანაპიროზე სეირნობისას ღირსშესანიშნაობების თვალიერებით გართული, უცაბედად სასიამოვნო, მადისაღმძვრელ სურნელს იგრძნობთ. ეს სხვა არაფერია, თუ არა ისპაჰანური ბერიანის არომატი. ბერიანი მზადდება ხორცისა და ღვიძლისგან.

გუფთა, ერთ-ერთი ყველაზე ცნობილი ადგილობრივი კერძია ქალაქ თავრიზში.