ისლამური აზადის უნივერსიტეტი, უნივერსიტეტი სადაც 1.2 მილიონი სტუდენტი სწავლობს

ისლამური აზადის უნივერსიტეტს 400-ზე მეტი აკადემიური კამპუსი, სამედიცინო და კვლევითი ცენტრი აქვს,  სადაც დაახლოებით 1.2 მილიონი სტუდენტი (2023 წლის მონაცემის მიხედვით) სწავლობს. ამ თვალსაზრისით, აზადის უნივერსიტეტი მიიჩნევა ერთ-ერთ უდიდეს უნივერსიტეტად მსოფლიოში.

უნივერსიტეტის ისტორია

ისლამური აზადის უნივერსიტეტი, რომლის სათაო ოფისი მდებარეობს თეირანში,  არის მსოფლიოში სიდიდით მეექვსე უნივერსიტეტი. უნივერსიტეტის შექმნის იდეა დაამტკიცა და რატიფიცირებული იქნა კულტურული რევოლუციის უმაღლესი საბჭოს მიერ 1982 წელს.

ამრიგად გაიხსნა პირველი საუნივერსიტეტო განათლების ცენტრი "თეჰრან-ე მარქაზ". ამის შემდეგ, უნივერსიტეტის კიდევ ერთი კამპუსი ქალაქ თავრიზში გაიხსნა. პირველი მისაღები გამოცდები ჩატარდა 1983 წლის დასაწყისში და მასში მონაწილეობა მიიღო 32 ათასმა აბიტურიენტმა. უნივერსიტეტში ჩაბარების მსურველთაგან ჩაირიცხა სამი ათასი აბიტურიენტი გზებისა და სამშენებლო, ელექტროენერგიის, მექანიკის, მათემატიკის, ქიმიის, ლითონის მრეწველობის, საფეიქრო საქმე და ბუღალტერიის ფაკულტეტებზე.

უნივერსიტეტის ფარგლებში ფუნქციონირებს 15 ტექნოლოგიური აქსელერატორი, 18 ტექნოლოგიური ცენტრი, 172 კვლევითი ცენტრი და 407 აკადემიური ერთეული და საგანმანათლებლო ცენტრი.

ისლამური აზადის უნივერსიტეტი აქტიურადაა ჩართული სამედიცინო განათლების სფეროში. მის ფარგლებში ფუნქციონირებს 12 საუნივერსიტეტო საავადმყოფო და კლინიკა. საგანმანათლებლო ცენტრებისა და სამედიცინო მომსახურების ინტეგრირებული მართვის მიზნით შეიქმნა აზადის უნივერსიტეტის სამედიცინო მეცნიერებათა ცენტრი. უნივერსიტეტის სამედიცინო ფაკულტეტმა მუშაობა 1985 წელს დაიწყო, ერთი წლის შემდეგ კი, აზადის უნივერსიტეტის რვა სხვადასხვა ფილიალში სამედიცინო განხრით სწავლება ხორციელდებოდა. მედიცინისა და სამედიცინო მეცნიერებების განხრით ისლამური აზადის უნივერსიტეი მოიცავს 9 ფაკულტეტს: მედიცინა, სტომატოლოგია, ფარმაცია, პარამედიცინა, ვეტერინარის სკოლა, მოწინავე სამედიცინო ტექნოლოგიები, საექთნო და სამეანო საქმე, საზოგადოებრივი ჯანდაცვისა და ჰიგიენა, სამედიცინო საბაზისო მეცნიერებები. სამედიცინო ფაკულტეტზე მუშაობს ინდუსტრიასთან ურთიერთობების ცენტრი  რომლის მთავარი მიზანია მედიცინის სფეროში მოქმედი ინდუსტრიებისთვის კვლევითი მომსახურების მიწოდება, უნივერსიტეტის მკვლევართა სამეცნიერო მიღწევების კომერციალიზაციისთვის შესაფერისი პლატფორმის შექმნა და მეწარმეობისა და ინოვაციების მხარდაჭერა.

2023 წელს უნივერსიტეტში დაახლოებით 1,35 მილიონი ადამიანი სწავლობდა. ამ დრომდე უნივერსიტეტს  დაახლოებით 6 მილიონამდე კურსდამთავრებული ჰყავს.

აზადის უნივერსიტეტში მუშაობს სამი სპეციალური საუნივერსიტეტო განყოფილება სახელწოდებით "ფერშთგანის უნივერსიტეტი" (სპეციალური საჭიროების მქონე სტუდენტებისთვის), "მადარანის (დედების) უნივერსიტეტი" და "ფარშჩიანის სახელობის  ისლამური ხელოვნების უნივერსიტეტი".

უნივერსიტეტის ფარგლებში მუშაობს ორგანიზაცია „სამა" რომლის მთავარი მიზანია ზოგადი განათლების და უნარების სწავლების გაძლიერება. ორგანიზაცია დაარსდა 1991 წელს; ამჟამად მის მმართველობაში 800 გოგონათა და ვაჟთა სკოლა. სკოლებში სწავლება ზოგადი განათლების სამივე საფეხურზე ხორციელდება, მოსწავლეების რაოდენობა 140 ათასს აღწევს. ასევე ორგანიზაცია "სამა"-ს დაქვემდებარებაშია 143 ტექნიკური და პროფესიული სასწავლებელი.

ისლამური აზადის უნივერსიტეტის საერთაშორისო სტატუსი და საქმიანობა

ისლამური აზადის უნივერსიტეტი აკადემიური აქტივობით უნივერსიტეტების რანჟირების (URAP) რეიტინგებში 226-ე ადგილზე, ხოლო ირანის მასშტაბით და მეორე ადგილზეა (თეირანის უნივერსიტეტის შემდეგ). საუნივერსიტეტო ფილიალებს შორის, ზოგიერთ მათგანს აქვს დამოუკიდებელი ადგილი სხვადასხვა რეიტინგში, მაგალითად, ნაჯაფაბადის ფილიალი (ისპაჰანის პროვინცია) Times-ის რეიტინგის მიხედვით (2023 წელი) ირანის უნივერსიტეტებს შორის მე-8 პოზიციას იკავებს. სტუდენტების რაოდენობის მიხედვით, ისლამური აზადის უნივერსიტეტი მე-6 ადგილზეა მსოფლიოს უნივერსიტეტებს შორის.

უოველწლიურად უნივერსიტეტი აცხადებს მირებას უცხოელი სტუდენტებისთვის. 2022 წლის მონაცემებით, უნივერსიტეტის სხვადასხვა ფაკულტეტზე (მთელი ქვეყნის მასშტაბით) დაახლოებით 60,000 არაირანელი სტუდენტი სწავლობდა.

ისლამური აზადის უნივერსიტეტს აქვს ხუთი ფილიალი საზღვარგარეთ -  ბაღდადში (ერაყი), ბეირუთში (ლიბანი), დუბაიში (არაბული გაერთიანებული საამიროები), ოქსფორდში (ინგლისი) და ქაბულში (ავღანეთი).