ხუთშაბათს, 2023 წლის 20 აპრილს, რამადანის წმინდა თვის 29-ე დღეს, საქველმოქმედო აქციის ფარგლებში ჯუმა მეჩეთში იმყოფებოდნენ ირანის ისლამური რესპუბლიკის ელჩი თბილისში მაჰმუდ ადიბი, პრემიერ-მინისტრის მრჩეველი და საქართველოს რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე, ირანის ისლამური რესპუბლიკის საელჩოს მრჩეველი კულტურის საკითხებში აჰმადალი მეჰრი არდესთანი, ალ-მუსტაფას უნივერსიტეტის წარმომადგენელი, საქართველოს მუსლიმური სამმართველოს შეიხი, რამინ იგიდოვი, აღმოსავლეთ საქართველოს მუფთი ეტიბარ ამინოვი. აქციის ფარგლებში ირანის ისლამური რესპუბლიკის საელჩომ სოციალურად დაუცველ ადამიანებს ჰუმანიტარული დახმარება - სხვადასხვა სახის საკვები გადასცა.