ორშაბათს, 17 ივნისს, ყურბან ბაირამის დღესასწაულთან დაკავშირებით, თბილისში, სითი მოლი საბურთალოს კინოთეატრ კავეაში გაიმართა ირანული ანიმაციური ფილმის  «ბიჭუნა-დელფინის» (Dolphin Boy) ჩვენება.
სათავგადასავლო ანიმაციური ფილმი «ბიჭუნა-დელფინი» არის ისტორია დელფინზე სახელად სნოუბოლი, რომელიც ერთ დღეს ავიაკატასტროფაში გადარჩენილ პატარა ბიჭუნას პოულობს  და ზრუნავს მასზე. მას შემდეგ მეგობრები, თითქმის ძმები, ერთად უდარდელად იზრდებოდნენ და მხიარულად ატარებდნენ დროს. სანამ ერთ დღეს მათ მხიარულ, პატარა სამყაროს სიმშვიდეს ბოროტი რვაფეხა არ დაარღვევს.  ბოროტი რვაფეხა ბიჭს ხმელეთზე აძევებს, სადაც ის საკუთარი წარმომავლობის ძიებას იწყებს. ამ საქმეში ბიჭუნას დელფინი სნოუბოლი და მათი ახალი მეგობარი, კაპიტანი მურვარიდი ეხმარებიან…
ფილმის მწარმოებელია SkyFrame, Animation Studio (ირანი), რეჟისორი მოჰამად ხეირანდიში, ფილმის პროდიუსერი მოჰამადამინ ჰამედანი. ფილმს მიღებულია აქვს რამდენიმე საერთაშორისო ჯილდო.