თსუ პროფესორის ნანი გელოვანის მონოგრაფიული ნაშრომი „თბილისის მუსლიმური თემი“, ირანის ისლამური რესპუბლიკის წლის წიგნის 30-ე საერთაშორისო პრემიის მფლობელი გახდა
დაჯილდოების ცერემონიაზე წარდგენილი იქნა გამარჯვებული ნაშრომები, რომლების დაჯილდოვდნენ ირანის ისლამური რესპუბლიკის მე-40 და ირანის ისლამური რესპუბლიკის 30-ე საერთაშორისო წლის წიგნის პრემიებით
ცერემონია გაიმართა 2023 წლის 8 თებერვალს, თეირანში, ვაჰდათის დარბაზში, სადაც სხვა გამარჯვებულებს შორის, ივანე ჯავახიშვილის სახელობის თბილისის სახელმწიფო უნივერსიტეტის პროფესორის ნანი გელოვანის მონოგრაფიული ნაშრომს „თბილისის მუსლიმური თემი“ გადაეცა ირანის ისლამური რესპუბლიკის წლის წიგნის საერთაშორისო პრემია. დაჯილდოების ცერემონიას ესწრებოდნენ ირანის ისლამური რესპუბლიკის პრეზიდენტი სეიედ იბრაჰიმ რაისი, კულტურისა და ისლამური დამოძღვრის მინისტრი მოჰამად მეჰდი ესმაილი, სპარსული ენისა და ლიტერატურის აკადემიის პრეზიდენტი ყოლამ ალი ჰადად ადელი, კულტურის მინისტრის მოადგილე იასერ აჰმადვანდი, ირანის ისლამური რესპუბლიკის წლის წიგნის მე-40 საერთაშორისო წლის წიგნის დაჯილდოების სამეცნიერო მდივანი ჰამიდ ფარსანია, ირანის წიგნის სახლის აღმასრულებელი დირექტორი ალი რამეზანი, მოწვეული სტუმრები, კულტურისა და სამეცნიერო წრეების წარმომადგენლები.
თბილისში ირანის ისლამური რესპუბლიკის საელჩოს კულტურის განყოფილება ულოცავს ქალბატონ ნანი გელოვანს, თბილისის სახელმწიფო უნივერსიტეტს და საქართველოს სამეცნიერო და აკადემიურ საზოგადოებას ამ დიდ წარმატებას.
დაწერეთ თქვენი კომენტარი.