2023 წლის 1 ნოემბერს, თბილისში, საზოგადოება "ალულბეითში", სრულიად საქართველოს მუსლიმთა სამმართველოს ორგანიზებით გაიმართა საერთაშორისო სამეცნიერო-რელიგიური კონფერენცია თემაზე: „ხსნისა და ჭეშმარიტების სხივი - წმინდა ყურანი“. კონფერენციაში მონაწილეობდნენ სრულიად საქართველოს მუსლიმთა სამმართველოს ხელმძღვანელი შეიხ რამინ იგიდოვი, ირანის ისლამური რესპუბლიკის საელჩოს მრჩეველი კულტურის საკითხებში აჰმადალი მეჰრი არდესტანი, აღმოსავლეთ საქართველოს მუფთი ეტიბარ ემინოვი, დასავლეთ საქართველოს მუფთი ადამ შანთაძე, სამირ აგაევი აზერბაიჯანიდან, ასოციაცია "ალულბეით მედიის" ხელმძღვანელი თურქეთიდან ჰასან კარაბულუთი, იაჰია ჯაჰანგირი ირანის ისლამური რესპუბლიკიდან, თურქეთის საელჩოს რელიგიის საქმეთა განყოფილების წარმომადგენელი თბილისში მაჰმუდ გოლი, ალ-მუსტაფას წარმომადგენელი ჰასან იუსუფზადე, წმინდა ყურანის ქართულ ენაზე მთარგმნელი რეზო მიქელაძე, სტუდენტების და სასულიერო პირების ერთი ჯგუფი,  ირანის საელჩოს წარმომადგენლები.