მორთეზა ქათუზიანი

მხატვრობა / მორთეზა ქათუზიანი

მორთეზა ქათუზიანი  1943 წლის 1 ივლისს დაიბადა.  1960 წელს სერიოზულად მოჰკიდა ხელი გრაფიკასა და ფერწერას.

 მან მრავალი პოსტერი, ლოგო, წიგნის ყდა და ბროშურა  შექმნა. 1974 წელს საერთაშორისო ორგანიზაციის (I.A.A) ინიციატივით გამართა თეირანის საერთაშორისო გრაფიკული გამოფენა სახელწოდებით "აფრიკის მოშიმშილეები" და სოლიდარობის პოსტერის ჯილდოს მფლობელი გახდა.

ამ დრომდე, მორთეზა ქათუზიანის ნამუშევრების 4 ტომია გამოცემული. მისი ნამუშევრების დიდი ნაწილი პოსტერის სახითაა წარმოდგენილი. ამ მხატვრის 5 ნამუშევარი თეირანის თანამედროვე ხელოვნების მუზეუმში და მისი მრავალი ნამუშევარი ირანელ და უცხოელ კოლექციონერებთან მსოფლიოს სხვადასხვა ქვეყანაში ინახება.

იგი რევოლუციამდე გრაფიკოსების გაერთიანების ერთ-ერთი დამფუძნებელი და 2 წლის განმავლობაში მისი დირექტორატის წევრი იყო. გასული წლებში, მან მრავალ ჯგუფურ გამოფენაში მიიღო მონაწილეობა და 4 პერსონალური გამოფენა გამართა. წარმოდგენილი ნამუშევრების მაღალი ხარისხისა და ადამიანებთან და ცხოვრებისეულ საკითხებთან მიმართებით სიყვარულით სავსე დამოკიდებულების გამო, რაც მის ნახატებში იგრძნობა - მორთეზა ქათუზიანის გამოფენები ირანის ისტორიაში ერთ-ერთი ყველაზე ნახვადი გამოფენებია.

1979 წელს, ოფიციალური სტატისტიკის მიხედვით, მის გამოფენას თეირანის თანამედროვე ხელოვნების მუზეუმში 20 000 დამთვალიერებელი ჰყავდა.  2008 წლის ივნისში საად აბადის კულტურულ-ისტორიულ კოპლექსში მისი ბოლო გამოფენა გაიმართა, სადაც 94 ნამუშევარი იყო წარმოდგენილი. ამავე ცერემონიაზე,  ფერწერის დარგში 50 წლიან მოღვაწეობასთან დაკავშირებით და 30 წლის განმავლობაში ირანელი ახალგაზრდების დაუღალავი სწავლების გამო, მას იუნესკოს მადლობის სიგელი გადაეცა.

იგი თავის პატარა სტუდიაში 30 წლის განმავლობაში მხატვრობას ასწავლიდა და ხელოვნების საზოგადოებას ათობით მხატვარი აღუზარდა.